Jæja, núna er seinasti dagurinn í vinnunni á morgun. Ekki seinna vænna því að ég flýg heim á fimmtudaginn. Ég lendi sem sagt á Íslandi föstudaginn 15.des.
Að sjálfsögðu hlakka allir mikið til, því eins og Sibba segir þá er fólk ekki farið að telja niður í jólin heldur í að Þóra komi heim!
Hverju hef ég svo komist að seinustu daga?
1) Ég á mér framtíð. Rússneski prófessorinn minn í Simulation og Modeling sagði að ég ætti eftir að standa mig vel í lífinu því að lokaritgerðin mín hafi verið svo vel unnin. Það er mikil framför frá byrjun annar þegar hann vildi ekki gefa mér frí í tíma vegna moskító-ofnæmis. You can not possible be bidden 30 times by American moskitos. They are stupid! They move slowly and make noise so you can not be bidden by them. You should come to Russia where the moskitos are smart and sneaky. They can kill you!
2) Ég er einstaklega óheppin. Mér tókst að stíga á glerbrot og nú er farið að grafa í sárinu. Ég vil ekki kenna því um að ég er sífellt að slysast til að brjóta glös heldur að 10$ ryksugan úr Shop-Rite virkar verr en fægiskófla…
3) Ég er strangasti aðstoðarkennarinn. Bekkirnir sem að ég fór yfir voru með lægsta meðaltalið. Ég býst samt ekki við að verða skömmuð fyrr en hinir aðstoðarkennararnir læra að taka meðaltal af fleiri en 10 tölum…
4) Ég er að eldast. Í dag var tvisvar sagt við mig að ég liti út fyrir að vera eldri en ég er. Ég tók því sem hrósi í hvorugt skiptið
5) Angelien er óheppnari en ég. Það krefst engra sérstakra skýringa…
6) Ég engin föt sem að passa á mig. Það verður því ekki farið út úr húsi um helgina nema foreldrar mínir samþykki að koma við í Smáralind á leiðinni heim af flugvellinum…
Ég vonast til að verða með sama gamla símanúmerið 864 4646 þannig að endilega hafið samband. Mig langar endilega að sjá sem allra flesta í langþráða fríinu 
Þóran
Athugasemdir