Ég komst óséð inn á fyrirtækjakynninguna í gær, klædd hvítri skyrtu og háhæluðum skóm. Mjög fegin því að þeir hleyptu ekki öllum inn, til að mynda var nokkrum gallabuxnaklæddum Indverjum snúið við á staðnum…
Ég skemmti mér ágætlega á kynningunni. Ég var að sjálfsögðu með bunka af "resumé"-inu í annarri og 30 penna í hinni! Hvað er þetta með ófrumleika fyrirtækja að gefa alltaf bara penna í kynningarskyni?
Eitt fyrirtækjanna var hins vegar svo sniðugt að gefa Yankees-dót (ég held að það sé hafnaboltalið….) og urðu þess vegna lang vinsælasta fyrirtækið á staðnum! Nördastrákarnir stóðu alveg í löngum röðum til þess að fá "alvöru" Yankee húfur og boli gefins.
Bandaríkjamenn eru annars alveg sjúkir í íþróttir. Ég (sem að hoppa alltaf yfir íþróttastöðvarnar þegar ég "browsa" á sjónvarpinu) lenti til dæmi í miklum vandræðum með seinasta heimaverkefni í "Modelling and Simulation" þegar ég átti að finna stærðfræðilegt samband á milli breyta í Amerískum fótbolta. Hvað "yards gained", "giveaways" og "takeaways" eru og hvernig þau tengjast "Giants’ Games Won" er einfaldlega fyrir ofan minn skilning….
Á morgun fer ég á stutt kynningarnámskeið í "trading" á bandaríska markaðnum. Ég hef aldrei átt hlutabréf á ævinni en fæ víst að leika mér með barna forrit sem vanalega er notað til þess að kenna litlum, ríkum einkaskóla-börnum hvernig þau geta orðið enn ríkari. Þetta verður örugglega mjög spennandi!
Knús til allra,
Þóra
Aldrei þessu vant er búið að vera rosa mikið að gera hjá mér. Sama hvað ég reyni er ég alltaf á seinustu stundu með allt…. Ég er reyndar að spá hvort að ef til vill sé ekki meira að gera heldur en vanalega heldur sé ég bara að taka of langan tíma í hlutina. Vanalega taka verkefni mig alltof langan tíma þegar þarf að skoða og pæla í þeim frá mörgum hliðum og hafa persónulega skoðun á. Ég er náttúrulega svo "kassalega" verkfræðingur að ég vil bara hafa þetta svart og hvítt 
Í kvöld var ég að gera hópverkefni og var meira að segja svo upptekin að ég gleymdi að borða kvöldmat. Held að það hafi ekki gerst í mörg ár enda er ég sísvöng! Sem betur fer er ég með smá varaforða utan á mér
Á morgun er kynning í skólanum þar sem að helstu fyrirtækin í NY og NJ koma saman og kynna starfsemi sína. Ég á að vera mætt klukkan 7 í fyrramálið (það er eftir rúma 7klst). Vandamálið er að ég var beðin um af prófessorunum upp í skóla að mæta í dragt enda er víst þannig "dress-code"….
Ég hefði alls ekkert á móti því að vera í dragt ef að ég bara ætti dragt svo að ég veit ekki alveg hvernig ég mun "tækla" þetta vandmál. Vonandi get ég "talað" mig inn í salinn… ef ekki mun ég skyndilega leggjast í flensu
Mkv,
Þóran…
Það var óvenju gaman í tíma í kvöld. Við horfðum á heimildamyndina um Enron hneykslið: "The Smartest Guys in the Room." Ég mæli með henni fyrir alla sem hafa örlítinn áhuga á viðskiptum. Mjöööög áhugaverð. Ég er farin að hafa meira gaman af heimildamyndum en áður. Ætli ég sé ekki bara farin að eldast?
Ég er oftast nær óheppin þegar ég held að ég sé að gera "rosa góð" kaup. Líklega vegna þess að ég gleymi oft að hugsa…. Ég er með einstaklega viðkvæma húð en virðist af einhverjum ástæðum alltaf gleyma því á milli þess sem að ég fæ "útbrot". Málið núna er að allar flottustu Hollywood stjörnurnar (s.s. Jessica Simpson, Elle Macpherson og fleiri) hafa keppst um að auglýsa húðvörur sem að eiga að “bjarga húðinni frá glötun!”. Eftir að hafa verið heilaþvegin af auglýsingunum í hálft ár ákvað ég að prófa prufueintak á tilboði. Í gærkvöldi prófaði ég kremið en vildi þá ekki betur til en svo að ég vaknaði í morgun öll brennd og flögnuð í framan! Alltaf gaman að fá spurninguna: "What happened to your face?!" þegar maður mætir í vinnuna.
Annars hefur verið mikið að gera hjá mér í skólanum upp á síðkastið og því lítið í fréttum. Ég er þó búin að uppgötva tvennt. Annars vegar að mér finnst "Crystal Ball" mjög skemmtilegt forrit (en líklega finnst engum það áhugavert sem að les þessa síðu…) og hins vegar að sushi er æði!
Fólk í Hoboken er alveg sjúkt í sushi og annar hver veitingastaður hér selur sushi. Ég hafði alveg smakkað sushi nokkrum sinnum áður en fyrst núna er ég virkilega “komin upp á bragðið”. Vonandi verður "ódýrum" sushi stöðum í Reykjavík búið að fjölga í amk einn þegar ég flyt aftur heim….
Mkv,
Þóra
Langt síðan að ég hef bloggað. Síðan var eitthvað smá biluð… og já, mín busy. Lofa að standa mig betur á næstunni!
Angelien mín er farin. Ég sakna hennar að sjálfsögðu. Hún bakaði pizzu og skildi eftir í frystinum. Hérmeð er komin regla; Mælst er til að allir sem að koma í heimsókn framvegis fylli frystinn minn að mat!
Helga Guðrún skvísa og mamma hennar kíktu í verslunarleiðangur til NYC seinustu helgi. Mér var boðið með á rosa góðan veitingastað; 66. Mæli hiklaust með honum. Rosa gaman! Eftir matinn fengum við 3 “fortune”-kökur og 2 þeirra innihéldu málsháttinn: “Life is what happens, when you are busy making other plans”. Okkur fannst nú lélegt að fá sama málsháttinn tvisvar svo að Helga heimtaði nýja köku! Við fengum strax aðra á borðið en kom þá í ljós að enn og aftur kom upp sami málshátturinn…. Hverjar eru líkurnar á að fá sama málshátinn í þrjú af fimm skiptum?
Eftir matinn kíktum við Helga svo í drykk á hóteli í nágrenninu. Sannaðist þá enn og aftur hve lélegt minni ég hef því að ég fór út í óþægilegustu skóm í heim og endaði eins og vanalega haltrandi heim á tánum, með blöðrur sem entust í fjóra daga… Hvað get ég sagt? “Beauty is pain”.
Skólinn er byrjaður á fullu. Vegna leti að minni hálfu og tíðra stunguárása moskítófluga (ójá, þessar flugur dýrka mig!) náði ég ekki að skila fyrsta skilaverkefninu í “Managerial Accounting”.
Eins og ætlast er til fór ég því til prófessorins í morgun til að sleikja hann upp (seriously, þannig virkar þetta hérna í USA, prófessorar gefa bara þeim frest sem þeim líkar við!) Ég hef nú ekki verið góð að sleikja upp prófessorana hérna hingað til en sem betur fer kannast ég við þennan þar sem að ég aðstoðaði ég hann í tölvutímum á seinustu önn. “Of course Icelandic girl! Hand it in whenever you want! How’s the fish in your fridge doing?”.
Mundi þá að ég laug "óvart" að honum einhvern tímann í vor að allir Íslendingar borðuðu fisk daglega og að ég fengi íslenskan fisk sendan mánaðarlega að heiman…!
Man ekki af hverju mér datt í hug að segja þetta…. en kom sér ágætlega í dag….
Knús til allra,
Þóra
Athugasemdir