Ég fæ alltaf glataða málshætti í páskeggjum. Ég er náttúrulega nörd og því alltaf spennt að sjá hvaða málshátt ég fæ. Ég verð hins vegar oftast fyrir vonbrigðum. Í fyrra fékk ég til dæmis "Bylur hæst í tómri tunnu" og varð massa svekkt 
Í ár fékk ég 2 páskaegg frá Íslandi. "Fénar farandi, sveltur sitjandi" og "Hægara er að kenna heilræðin er halda þau". Sá seinni á kannski ágætlega vel við núna í miðjum prófum, þegar maður er á seinustu stundu með allt.
Næsta ár panta ég að fá málshátt sem hljómar eitthvað á þessa leið: "Þér mun hlotnast mikill auður…"
Og já, svona rétt í lokin fyrir þá sem ekki vita verð ég hér í Ameríku fram í júlí. Ég verð að vinna upp í skóla. Ég blogga kannski meira um það við tækifæri….
Mkv,
Þóra
Athugasemdir