Hvað finnst verkefnastjórum skemmtilegast að gera?
Búa til Gantt-rit!
Fyrir þá sem ekki vita þá er það myndrit sem sýnir verkáætlun í tímaröð.
Mér finnst að sjálfsögðu stórskemmtilegt að búa til Gantt rit en komst hins vegar ekki að því fyrr en í seinustu viku að maðurinn sem fann upp ritið (ég geri fastlega ráð fyrir því að hann heiti Gantt…) var nemi í Stevens og því árlega gefin Gantt verðlaun fyrir góðan námsárangur. Ég hef greinilega valið réttan skóla!
Ég er komin á pensillín. Vonandi fer það að virka. Hundfúlt að vera lasin. Ég fór til skólalæknisins í dag og ég er víst með háls- og eyrnabólgu eins og litlu krakkarnir! Læknaritarinn, Kathy, elskar mig af einhverjum undarlegum ástæðum! Dóttir hennar vinnur í bankanum fyrir utan þar sem að ég bý og þess vegna rekst ég oft á hana. Hún stoppar mig alltaf og spjallar. Þetta (og reyndar ýmislegt fleira) veit ég um Kathy:
#1. Henni finnst gaman að fara út að borða. Hún á sér marga uppáhalds veitingastaði (þar af eru 10 bestu númeraðir) og er mjög undrandi á mér að hafa ekki gert slíkan lista.
#2. Henni finnst gaman að fara í bíó en krossaði sig þegar ég sagðist fara í bíó í Jersey City. Þar búa glæpamenn og fer hún aðeins í bíó í Village í NYC. Hún teiknaði fyrir mig kort hvernig best er að komast þangað.
#3. Hún elskar Hoboken og vill hvergi annars staðar búa. Hún elskar líka Stevens enda á hún ættir sínar að rekja hingað. Hún var víst getin á Campus!
#4. Dóttir hennar fær ekki nógu góð laun í bankanum og er að hugsa um að hætta.
Í dag gaf hún mér nammi í tilefni þess að Halloween er á mánudaginn. Hún hneysklaðist einnig á því að ég hefði ekki enn prófað Breakfast Special á La Isla (nr. 3 á listanum). Ég veld grey konunni greinilega sífelldum vonbrigðum.
Og já, ég þarf víst að redda mér búning…!
Athugasemdir